НА УДАР 59 МИЛИОНИ РАБОТНИ МЕСТА: Пандемијата и роботизацијата ќе создадат колапс
Објавено во: Економија, Корона Вирус 22 Јуни, 2020
Koронавирусот и роботизацијата загрозуваат десетина милиони работни места.
Над 20 отсто од работниците ќе мора да се доквалификуваат.
За десет години, во Европската унија околу 53 милиони работни места ќе бидат роботизирани.
Истражувањето на институтот „Мекинси“ покажа дека скоро 59 милиони лица во ЕУ, односно 26 отсто од вкупниот број на вработени, би можеле за краток рок да се соочат со економските последици од пандемијата и рестриктивните мерки.
Нив ги очекува намалување на работните часови и плати, или привремено или постојано прекинување на работниот однос.
Бројот на европското работоспособно население ќе опадне за околу 13,5 милиони, односно за околу четири проценти до крајот на деценијата, а падот особено ќе биде изразен во Германија со околу четири милиони и Италија со околу 2,5 милиони помалку.