Над 10 илјади дивоградби чекаат легализација во Кисела Вода

Денеска во општина Кисела Вода беа доделени уште 34 решенија за легализација на диви објекти со што вкупната бројка на решени предмети во оваа општина Кисела Вода достигна 1.715.  Од вкупно регистрираните 11.872 дивоградби за кои е поднесено барање за легализација, за 5.093 предмети се води постапка, а 5.054 предмети се незапочнати поради нецелосна документација, најчесто поради тоа што не бил дотавен геодетскиот елаборат. Надлежните ги повикаа граѓаните кои се ја немаат комплетирано потребната документација, тоа да го сторат побрзо за во најкраток можен рок да ги легализираат дивоградбите.