Надлежните незадоволни од концесиите за ископ на песок и камен во штипско

Добивај вести на Viber

Во првите три месеци општина Штип добила 850 илјади денари од концесиите кои што ги плаќаат фирмите кои експлоатираат песок и камен во Лакавичкиот регион и Ежово поле, информираше градоначалникот, Илчо Захариев кој додава дека овие пари се далеку помали во споредба со општините во источна Македонија, каде што има рудници за бакар и олово-цинк.

„Моментално имаме три активни места за експлоатирање, тие се наоѓаат во Лакавичкиот регион и некои кои се пробни во делот на Ежово поле. Но, ние немаме увид колку е експлоатирана суровина и дали реално плаќаат. Обврска е дадено на нашата администрација во општината, а веќе имавме комуникација со Министерството за економија добивме податоци од нив, за да понатаму се што се работи општината биде информирана, за да секој денар кој ќе биде исплатен и припадне на општината и да направиме нешто добро за граѓаните“, рече Захариев.

Тој вели дека средствата кои ги добива општината од концесиите за црпење на песок и камен се минимални, имајќи во предвид колку се деградира и уништува животната средина во Лакавичкиот регион, а особено дабовата шума кон селото Љуботен.