Нафтата поефтина, се чека состанокот на ОПЕК
Објавено во: Економија 02 Јуни, 2015
Цените на нафтата во текот на денешното тргување во Азија паднаа поради јакнењето на доларот, додека инвеститорите очекуваат дека Организацијата на земјите извознички на нафта (ОПЕК) која се состанува оваа недела, ќе го задржи постоечкото ниво на производство на нафта.
Американската „лесна“ нафта (WTI) за испорака во јули поефтинила на Њујоршката берза седум центи на 60,13 долари, додека нафтата од типот „Брент“ за јулската испорака во Лондон поефтинила 15 центи на 64,73 долари.
Сингапурската банка „United Overseas Bank “ наведува дека цените паднале поради силниот долар и загриженост околу високото ниво на глобалните залихи, бидејќи ОПЕК , кој произведува околу третина од светската нафта, по своја прилика ќе го задржи посетоечкото ниво на „црно злато“ од 30 милиони барели дневно.
Силниот долар ја прави нафтата изразена во таа валута поскапа за купувачите кои користат послаби валути, што ја намалува побарувачката и ја соборува цената.