Нафтата поефтини, рекордно производство во САД
Објавено во: Економија 04 Јуни, 2015
Цените на нафтата во текот на денешното тргување во Азија паднаа, откако производството на тој енергент во САД го надмина 30-годишниот максимум , што ја поттикна новата загриженост околу високото ниво на глoбални залихи на нафта, пред состанокот на Организацијата на земји извознички на нафта ОПЕК.
Американската „лесна“ нафта (WTI) за испорака во јули поетинила на Њујоршката берза два центи на 59,62 долари додека нафтата од типот „брент“ за јулска испорака во Лондон поефтинила пет центи на 63,75 долари.
Аналитичарите наведуваат дека трговците се загрижени што произведувачите на нафта не го намалуваат темпото на производство и покрај високите залихи поради кои цените на нафта во текот на изминативе години паднаа 50 одсто.
Американското Министерство вчера соопшти дека производството во САД во неделата заклучно со 29 мај, се зголемило за 20 000 барели дневно на 9,59 милиони барели, што е највисоко ниво од јануари 1983 год.
ОПЕК по своја прилика ќе го задржи постојаното ниво на производство на нафта за да го зачува пазарниот дел, наведува експерт од консултантската куќа EY за Азија и Pacifik Sanjev Gupta. Организацијата која произведува околу тертина од светската нафта на претходниот состанок во ноември го задржа нивото на производство на нафта од 30 милиони барели дневно.