Најбогатиот Македонец ќе стане почесен бугарски конзул во Штип?
Објавено во: Македонија 20 Април, 2018
Најбогатиот Македонец според листите на Форбс магазинот Орце Камчев, наскоро би можел да стане нов бугарски почесен конзул со што би добил и дипломатски имунитет.
Според првичните информациии бугарската амбасада во Република Македонија преку вербална нота која ја испратила до МНР, бара Орце Камчев да биде именуван за почесен конзул на Република Бугарија со седиште во Штип.
Вербалната нота од Бугарската амбасада во Скопје била испратена на 13 април, а во Министерството за надворешни работи била заверена во архива на 17 април.
Амбасадата на Република Бугарија достави предлог за г-динот Орце Камчев да биде назначен за почесен конзул на Бугарија во Република Македонија. Следи вообичаена законска процедура за донесување одлука по овој предлог.
Ова во кусо соопштение го објави македонското Министерство за надворешни работи по објавените информации дека бугарската држава сака да го назначи македонскиот бизнисмен Камчев за нејзин почесен конзул во Македонија