НАЈГОЛЕМ ДЕЛ ОД ЖРТВИТЕ СЕ ЖЕНИ И ДЕЦА: Хамас објави нови податоци за бројот на загинати во Газа
Објавено во: Свет 11 Јануари, 2024
Бројката на жртви во Газа надмина 23.000. Од 7 октомври досега 23.469 Палестинци се убиени во нападите во Газа, а речиси 60.000 се повредени.
Палестинската терористичка група Хамас истакнува дека мнозинството од убиените се жени и деца.
Израелскиот премиер Бенјамин Нетанјаху повтори дека Израел нема намера трајно да го окупира Појасот Газа или да го протера цивилното население оттаму, јави ДПА.
Портпаролот на Стејт департментот Метју Милер денеска изјави дека се неосновани обвинувањата дека Израел врши геноцид врз Палестинците во Појасот Газа.
Јужна Африка денеска на отворањето на сослушувањето пред Меѓународниот суд на правдата (МСП) во Хаг, во врска со тврдењето на земјата против Израел за наводниот геноцид во Појасот Газа, изјави дека Израел го подложува палестинскиот народ на апартхејд и геноцид.
Јужна Африка тврди дека Израел го прекршил членот 2 од Конвенцијата за геноцид на Обединетите нации од 1948 година, со тоа што извршил дела кои спаѓаат во дефиницијата за геноцид, објави Ројтерс. Хамас на 7 октомври изврши напад на Израел. Групата бара формирање на независна држава Палестина со главен град Ерусалим. Израел спроведува воена операција во Газа да уништување на Хамас.