НАЈГОЛЕМ ГРАДЕЖЕН ПАЗАР ВО СВЕТОТ: За која земја се работи?
Објавено во: Економија 26 Јуни, 2024
Престолонаследникот во Саудиска Арабија, Мохамед бин Салман сака да ја трансформира економијата зависна од нафта. Само лани беа доделени градежни договори во вредност од над 140 милијарди долари. Повеќето од нив беа во Ријад, каде Саудиска Арабија има за цел да го зголеми своето население на десет милиони до 2030 година.
Саудиска Арабија ќе прерасне во најголемиот градежен пазар во светот, затоа што кралството вложува огромни суми пари во проекти насочени кон ремонт и диверзификација на економијата. Ова го соопшти консултантската група за недвижнини Најт Френк.
Вкупната вредност на градежното производство на земјата треба да достигне 181,5 милијарди американски долари до крајот на 2028 година, што е за скоро 30 отсто повеќе од нивото во 2023 година, објави лондонската компанија во истражувачки извештај објавен во понеделникот, објави Блумберг.
Откако иницијативата „Визија 2030“ е лансирана пред осум години, Саудиска Арабија почна проекти вредни повеќе од 1.250 милијарди долари.
foto ekrem osmanoglu/Unsplash