Најголемата опасност на 21-иот век

Добивај вести на Viber

Фрапантни 90% од сите болести се директно или индиректно поврзани со стресот. Звучи навистина опасно, но е реално и сите ние го чувствуваме тоа. Свесни сме за тоа дека се повеќе време поминуваме во нервоза, растревоженост, грижи, со еден збор - стрес... Современиот начин на живеење го зголемува нивото на хроничен стрес како и зачестеноста на новосоздадениот (акутен) стрес. Тоа секојдневно се одразува врз енормното покачување на застапеноста на посттрауматски состојби, емоционални пореметувања, пореметувања во однесувањето, психосоматски заболувања и психоимунолошки оштетувања.

Но, не смееме да се предадеме на овие состојби и мораме да се одбраниме од сите закани кои ги носи овој “модерен” стил на живеење. Не смее да заборавиме дека резултатите од стресната состојба можат да бидат и позитивни (еустрес) наспроти негативни (дистрес). Позитивниот резултат води кон мотивација и правилна адаптација и токму на тој начин мора да го канализираме стресот. Одамна во светот е сфатена потребата од сериозен пристап кон стресот. Таквиот пристап би требало да овозможи создавање на адекватна програма за откривање и регулирање на стресот и неговите последици. Од неодамна истото почнува да се случува и во Македонија, па така веќе постои и сајт како www.antistres.mk. Направен од д-р Звонко Џокиќ, специјалист по невропсихијатрија и експерт по стрес менаџмент, истиот преставува пионерски проект во областа. Единствен портал преку кој буквално секој може да добие пристап до уникатно изработени антистрес, велнес и антиејџинг програми. Истото и те како е потребно, така што мора да се одаде признание до д-р Џокиќ за тоа што го прави. Една од најважните вештини која треба да ја усвои современиот човек е вештината на регулирање на стресот. Управувањето со стресот претставува и ќе претставува темел на опстанокот и успехот на човекот од 21-иот век. Внимавајте на себе. Не се работи за нешто што може да се прави, туку мора.