31 Јули, 2021
0.0318

Најголемиот работодавач во Македонија им ги укина бонусите на вработените

Објавено во: Економија 30 Јуни, 2020

Најголемиот работодавач во Македонија, Кромберг и Шуберт, одлучил на своите вработени да не им ги исплаќа бонусите за работа, односно да им ја плаќа само нето-платата. Револтирани работници до „Фактор“ реагираат дека иако работат со полна ефективност, наградите не можат да ги добијат како што тоа се правело порано за остварените таргети.

Произведувачот на кабалески снопови за возила во 2019 имаше 6.458 работници, додека изминатиот период тој број се намали на 5.028. Странскиот инвеститор во индустриската зона „Жабени“ наедно е корисник и на мерката од државната помош за исплата на 14.500 денари по работник.

„Во периодот на прекинот на производството, вработените останаа во работен однос и им беше исплатен соодветен надомест на плата. Напоменуваме дека од започнувањето на кризата компанијата работи со намален обем и се соочува со голема неизвесност од клиентите, односно производството се планира од ден за ден бидејќи продажбата на возила во Европа е драстично намалена и во моментов нема најави за подобрување, земајќи ги во предвид најавите за втор пик на вирусот на есен.

Изминатите четири месеци поминавме низ период кога реално доаѓаа на работа 1000, 2000 или 3000 луѓе, а плата земаа околу 5000 вработени што е голем финансиски предизвик за компанијата. Бидејќи работиме со големи загуби и сеуште не е стабилизиран производниот процес, привремено е паузирана исплатата на бонусите. По надминувањето кризата и остварување на позитивни резултати, бонусите ќе бидат вратени бидејќи истите се поврзани и зависат од успешноста на резултатите во компанијата. Веруваме дека сите се свесни дека во оваа криза кога многу компании не можат ни да исплатат основна плата, не може да се очекува дека Кромберг и Шуберт нема да биде афектиран и ќе биде во можност да исплаќа и бонуси. Секако дека би сакале да е така, меѓутоа, за жал не е, и ние како и целокупната економија се бориме да задржиме што повеќе работни места во компанијата, меѓутоа сме тесно поврзани и зависиме од глобалните синџири на снабдување од кои зависи и нашиот обем на работа“, гласи одговорот од управата што го добивме.

Германската компанија по 40 дена комплетен прекин на производниот процес, на крајот на април започна со постепено рестартирање на производството согласно обемот на работа. Од управата на Кромберг и Шуберт велат дека ваквиот потег се должи на тоа што во моментов произведувачот работи без добивка.

„Кромберг и Шуберт и покрај ваквата сериозна ситуација и погоденоста од кризата, продолжува да обезбедува бенефити за вработените, организира редовно превоз и храна и ги има превземено сите заштитни мерки за да го сочува здравјето на вработените и јавното здравје“, велат од управата.

Кромберг и Шуберт во 2019 беше трета компанија со најголеми приходи од 248,3 милиони евра, но со добивка од само 4,3 милиони евра. Резултатот за 2020 се очекува да биде евидентно погоден поради кризата со производството на автомобили на европските пазари. Особено засегнат е секторот кој произведува за луксузните автомобили, поконкретно за „Ауди“.

„Дополнително, остануваме посветени да ја задржиме мотивацијата и да бидеме добар пример во заедницата заради што донесовме одлука да придонесеме во борбата против Ковид19 и дониравме опрема која беше потребна за доопремување на молекуларната лабораторија во Центарот за јавно здравје, со што Битола стана единствен друг град во државата покрај Скопје каде се вршат тестирања за утврдување присуство на овој вирус“, додаваат од таму.

А.К.


Можеби ќе ве интересира

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

Како „Макстил“ доби крилја? Профитот порасна за шест пати во споредба со лани!

Како „Макстил“ доби крилја? Профитот порасна за шест пати во споредба со лани!

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?

ВЛАДАТА ДАВА 1,8 МИЛИОНИ ЕВРА ЗА ТУРИСТИЧКИ АГЕНЦИИ, РЕСТОРАНИ ЗА СВАДБИ И НОЌНИ КЛУБОВИ - само ако имаат еден вработен повеќе нема да ги враќаат парите

ВЛАДАТА ДАВА 1,8 МИЛИОНИ ЕВРА ЗА ТУРИСТИЧКИ АГЕНЦИИ, РЕСТОРАНИ ЗА СВАДБИ И НОЌНИ КЛУБОВИ - само ако имаат еден вработен повеќе нема да ги враќаат парите

КОНКУРЕНЦИЈА НА ПАЗАРОТ - Српски „Телеком“ влегува во земјава, ќе основа компанија која ќе се вика „Мтел“ и ќе нуди мобилна телефонија и интернет

КОНКУРЕНЦИЈА НА ПАЗАРОТ - Српски „Телеком“ влегува во земјава, ќе основа компанија која ќе се вика „Мтел“ и ќе нуди мобилна телефонија и интернет

TTK Банка оствари добивка од 40,6 милиони денари во првите 6 месеци од 2021 година

TTK Банка оствари добивка од 40,6 милиони денари во првите 6 месеци од 2021 година

„Стопанска банка Скопје“ гази јако! Ја зголеми добивката за 2,3 милиони евра, колку е профитот за пола година?

„Стопанска банка Скопје“ гази јако! Ја зголеми добивката за 2,3 милиони евра, колку е профитот за пола година?

НБРМ: Просечната каматна стапка на вкупните кредити во јуни се намали на 4,54 oтсто

НБРМ: Просечната каматна стапка на вкупните кредити во јуни се намали на 4,54 oтсто

МЖ ИНФРАСТРУКТУРА ВРАБОТУВА 30 ЛИЦА - директорот Локвенец вели: поради пензионирањето, ни требаат најмалку стотина

МЖ ИНФРАСТРУКТУРА ВРАБОТУВА 30 ЛИЦА - директорот Локвенец вели: поради пензионирањето, ни требаат најмалку стотина