28 Март, 2024
0.0269

Најмалку 700 туристички водичи поради корона кризата ќе останат без приходи

Објавено во: Економија, Корона Вирус 24 Јуни, 2020

Добивај вести на Viber

Поради пандемијата на Ковид – 19 оваа летна сезона, повеќе од 700 туристички водичи во земјава ќе останат без приходи.

Во Македонија има околу 970 водичи, а од нив 200 се вработени во туристичките агенции и нивната егзистенција до тој степен не е загрозена. Но, ширењето на коронавирусот ги втурна во незавидна положба.

„Сите туристички водичи и придружници, без исклучок, останаа без работа поради коронавирусот. Откажани се сите туристички групи што беа најавени дека ќе дојдат во Македонија. Засега е многу неизвесно дали во вториот дел од сезоната ќе има некаква работа. Состојбата се менува секојдневно, па зрак оптимизам влеваат најавите дека ќе бидат отворени границите и дека луѓето, туристи ќе може да патуваат без ограничувања, контроли и докази дека не се заразени или болни. Се надеваме дека од септември натаму ќе има по некоја група“, вели Бранко Босилков, претседател на Здружението на туристички водичи и придружници на Македонија.

Водичите бараа помош од државата, со цел да го пребродат овој тежок период. Босилков вели дека некои од колегите очекувале дека ќе добијат финансиска помош од 14.500 денари, но речиси никој не доби.

„ЗТВМК поднесе барање до Министерството за финансии за да влеземе во групата погодени дејности за да може, оние што ги исполнуваат условите, да добијат пари. Меѓутоа од Управата за јавни приходи бевме одбиени. Главната причина беше што не постоиме во Централниот регистар. Тоа само го потврдува фактот дека работниот статус на туристичките водичи и придружници на групи законски не е соодветно регулиран. Засега единствен начин е туристичкиот водич да се регистрира како трговец поединец. Но, тоа не е добро решение, бидејќи нашата работа е сезонска и што е понеповолно, постојат многу режиски трошоци, фирмарина, сметководител. Затоа, ЗТВМК веќе презеде први чекори да се создадат законски услови туристичките водичи и придружници на групи да можат да плаќаат паушален годишен надомест кон државата кој ќе ги покрива основните - пензиско и здравствено осигурување. Водичите не бегаат од потребата и обврската да плаќаат давачки кон државата, но потребно е да се создаде законска основа. Свесни сме дека по формирањето на новото Собрание, тоа нема да биде еден од приоритетните закони со кои ќе се зафати новата влада и Собрание, но ќе бидеме задоволни доколку нашиот статус се регулира во престојниот четири годишен мандат“, додава Босилков.

Тој објаснува дека претходните години поради напливот на туристи во Македонија, реализирани се многу тури, имало работа за водичите и тоа овозможило многу од нив да живеат од оваа професија. Но, корона кризата ги урна надежите и сега не се знае кога ќе се вратат на нивото пред пандемијата.

„Ќе бидеме задоволни доколку до крајот на годинава водиме по некоја група за да преживееме до пролет 2021 година“, рече Босилков.

Состојбата е слична и во регионот. За споредба во Словенија, 2.000 водичи остануваат без приходи. Словенците имаат песимистички прогнози и за идната година.

Сања Атанасовска

Можеби ќе ве интересира

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“