19 Август, 2019
0.0214

НАЈМЛАД ЧИТАТЕЛ ВО НЕГОТИНО: Почнала да чита на три години, а денес ужива во секоја прочитана книга

Објавено во: Македонија 16 Мај, 2019

Седумгодишната Јована Алтанџиева од Неготино, е најмладиот читател во библиотеката „Страшо Пинџур“ во градот, а чита од својата трета година.

Таа е одлична ученичка, посетува настава во Основното училиште „Гоце Делчев“, оди во второ одделение. Веќе неколку години е член на локалната библиотека за што има многу пофалби од сите кои ја знаат, но и од библиотеката. Лани таа е прогласена за еден од најактивните читатели во библиотеката. Родителите кај ова девојче ја всадиле љубовта кон читањето уште од мали нозе, а таа денес истата навика се труди да ја пренесе на својата помала сестра, но и на врсниците.

„Уште многу мала кога имаше 2 години, јас и мојата сопруга како родители, посебно јас секој ден ѝ читав сликовници, а таа стекна навика и секој ден ме чекаше од работа за да ѝ прочитам неколку сликовници (имаме дома преку илјада сликовници и книги). Секој ден со мојата сопруга ѝ купувавме по неколку сликовници. Исто така на свои 3 години веќе знаеше прочитаните сликовници сама да ги раскажува без наша помош. Конкретно омилен писател нема (сите писатели ѝ се омилени), и чита книги од сите жанрови“, вели нејзиниот татко Горан Алтанџиев.

Јована Анталџиева месечно чита најмалку 4 или 5 книги. Ова девојче повеќе сака да чита во слободно време отколку да седи постојано на компјутер.

„Во однос на читањето Јована на своите другарчиња им советува дека навиката за читање е многу убава, и  дека многу поубаво е да се читаат книги отколку да се седи пред компјутер. Таа на своја 3 годишна возраст во градинка на своите другарчиња им ги раскажуваше сликовниците, а секојдневно добиваше пофалби од градинка од нејзината воспитувачка Јана Коцева,која се гордееше со неа. Од книжарите во Неготино сите нѐ запознаа, од причина што Јована заедно со нас секој ден одеше таму за да купиме книга“, додава Горан Алтанџиев.

Ова е само еден позитивен пример во нашата земја, како читањето може да биде корисно и од него младиот човек да има многу придобивки во иднина.

Младите освен лектири, треба да читаат и слободна литература за да го збогатат своето знаење, но и фондот на зборови, што ќе го подобри нивното изразување.

Сања Атанасовска

Можеби ќе ве интересира

ФОКУС НА ДЕНОТ: Пожари во Скопје, АРМ слави роденден

ФОКУС НА ДЕНОТ: Пожари во Скопје, АРМ слави роденден

Пожарот кај Пинтија уште гори-ќе се дежура и ноќеска

Пожарот кај Пинтија уште гори-ќе се дежура и ноќеска

СКОПЈЕ: Еден пожар ставен под контрола, друг избувнал кај Сопиште

СКОПЈЕ: Еден пожар ставен под контрола, друг избувнал кај Сопиште

Димитров се огласи за случајот „Рекет“

Димитров се огласи за случајот „Рекет“

(ФОТО) Пожар над населбата Пинтија, гори мешана шума

(ФОТО) Пожар над населбата Пинтија, гори мешана шума

Шекеринска: Ова е наша година во која се заокружува најуспешната етапа од нашиот пат кон НАТО

Шекеринска: Ова е наша година во која се заокружува најуспешната етапа од нашиот пат кон НАТО

Се вози брзо и под дејство на алкохол: Над 200 возачи казнети синоќа во Скопје

Се вози брзо и под дејство на алкохол: Над 200 возачи казнети синоќа во Скопје

Ако одите на одмор или се враќате, еве колку се чека на ГП Богородица и Табановце

Ако одите на одмор или се враќате, еве колку се чека на ГП Богородица и Табановце

Јанушев тврди дека снимките за „Рекет“ не се од ВМРО ДПМНЕ

Јанушев тврди дека снимките за „Рекет“ не се од ВМРО ДПМНЕ