Најнов биланс: Шест починати, 54 новозаболени, Лабуништа критично

Добивај вести на Viber

Вкупно шест починати од Ковид-19 во изминатото деноночие. На Клиниката за инфективни болести и фебрилни состојби во Скопје починале четири лица, информира Министерството за здравство. Станува збор за пациенти на возраст над 60 години, од кои двајца пациенти од Лабуништа, еден пациент од Прилеп и еден од Куманово. Во Болницата „8 септември“ починале 2 лица, пациент од Велес кој имал 67 години и пациент од Куманово кој бил 59 години.

Инаку во Лабиништа досега имаше пет починати, со овие двајца се вкупно седум.

Со два негативни теста и во добра општа состојба од Инфективната клиника се испишани 10 оздравени пациенти, а регистрирани се и 32 оздравени пациенти (12 од Дебар и 20 од Скопје) кои се лекувале во домашни услови.

Во изминатите 24 часа се потврдени 54 нови случаи на Ковид-19. По градови: Скопје-13, Куманово -25, Штип -1, Прилеп -10, Тетово -1, Велес -2, Гостивар -1, Кичево -1,

Со ова вкупната бројка на дијагностицирани пациенти со Ковид-19 во нашата земја изнесува 908 лица. Според местото на живеење, досега се регистрирани во:
 Скопје – 329
 Куманово – 236
 Дебар – 49
 Штип-28
 Прилеп –85
 Тетово – 38
 Струга – 43
 Велес – 34
 Битола –9
 Охрид –4
 Кавадарци – 3
 Гостивар –9
 Гевглелија – 4
 Струмица – 2
 Крива Паланка-3
 Радовиш – 4
 Крушево – 3
 Кочани – 22
 Пробиштип – 2
 Кичево – 1

Во изминатото деноноќие направени се 710 теста. Преку ИЈЗ – 530, преку Ветеринарен ф-тет -18, Авицена – 20, Биотек – 24 и Филип Втори (Жан Митрев) – 118, а во тестирање со pcr метода се вклучи и Систина од каде во денешната бројка влегуваат 2 позитивни теста. Досега во земјата се направени вкупно 9.262 тестирања на Ковид -19.