НАЈНОВА ВЕСТ: Шест лица убиени во училиште во Белград: Упаднал на час по историја и почнал да пука

Добивај вести на Viber

Момче (14) пукало во училиштето во Врачар „Владислав Рибникар“ и во таа прилика убило шест лица, меѓу кои и деца и чувар. Како што неофицијално дознаваме, момчето упаднало на час по историја и почнало да пука во учениците.

Три деца се хоспитализирани на Детската универзитетска клиника на улица Тришова, две се стабилни, додека едно дете е во критична состојба.

Според неофицијални информации, повеќе од десет ранети деца се пренесени во Ургентниот центар.

Според неофицијални информации, првиот ранет бил чуварот, кој набргу по пукањето починал.

„Нашиот омилен чувар Драган е убиен. Децата го сакаа, како и целиот тим“, вели потресената мајка на едно дете од училиштето.

За потсетување, осум екипи на итната помош во моментов се пред училиштето „Владислав Рибникар“ каде утрово се случи престрелка во која едно лице загина, а неколкумина се ранети.

Според Нова.рс, осомничениот ученик (14) по пукотниците побегнал од местото, но полицијата набрзо го уапсила.

Момчето го застрелало поранешниот учител со пиштолот на неговиот татко, го убил чуварот, а бројот на ранети се уште не е познат.

На лице место е министерката Даница Грујичиќ, а пристигна и министерот Бранко Ружиќ.

Пукањето почнало утринава во 8.30 часот.