ПОЛИТИКАТА ВМЕША ПРСТИ ВО ОБРАЗОВАНИЕТО: Наместо во училишни клупи, учениците на протест

Добивај вести на Viber

„Кога политиката влегува низ врата-образованието бега преку прозорец“- оваа мисла моментално ја осликува ситуацијата во земјава.

Учениците наместо да се подготвуваат за последните месеци од школската година, тие излегуваат на протести.

Средношкоците од Охрид и Битола денеска најгласни.

Ги напуштија училишните клупи и понесени од „политиката во себе“ отидоа на градските плоштади да ја „бранат унитарноста на државата“, а против двојазичност и федерализација.

Родителите рагираат, а последните случувања го откриваат вистинското грдо лице на образовниот систем во државата.

Штетите кои преку агитацијата врз учениците да излезат на протестите за Заедничка Македонија им се нанесуваат на учениците и на самото училиште загрижени родители  велат дека допрва ќе се воочат.

Реагира и народниот правобранител

„Агитацијата и инволвирањето на деца за политички цели се спротивни на Законот за средното образование со кој е забрането секакво политичко и верско организирање и дејствување и надвор од целите на образованието – училиштата да бидат места каде ќе се врши основната дејност воспитно-образовниот процес“ реагираше Народниот правобранител.

„Истовремено најостро ги осудува настапите на раководни лица во училиштата поради што ги повикува училишните одбори, градоначалниците, Државниот просветен инспекторат и Министерството за образование и наука веднаш и без одлагање, секој во рамките на своите надлежности да преземе соодветни мерки спрема лицата кои агитираат или дозволуваат во училиштата да се врши агитација и обиди за политичко инволвирање на учениците“, оценија од Канцеларијата на Народниот правобранител од каде најавија дека отвораат постапка за одговорност на прилепскиот директор во гимнзијата.

ФОТО: Охридњус