19 Август, 2019
0.0175

Напредни Лозари: Мизерно- евтина суровина за производство на скапи вина

Објавено во: Агробизнис 06 Август, 2019

Денес преку социјалната мрежа Фејсбук, здружението „Напредни Лозари“ од Кавадарци ја повика власта, но и министерството за земјоделство, шумарство и водостопанство, итно и урегентно да се превземат потребните мерки за подобрување на откупните цени на грозјето, бидејќи на повидок е лозарско-винска катастрофа во тиквешевијата.

Здружението во своето соопштение на фејсбук пишува и дека скоро три децении поминале, откога лозарите биле задоволни од откупот на грозјето, но исто така и дека нивиот род се откупува по мизерно евтина цена, за прозводство на скапи вина.

„Изминаа цели 29 години од како лозарите за последен пат се почувствуваа задоволни со откупот на нивниот производ. Поточно, да се потсетиме на 1990 година, кога претседател на владата на тогашната СФРЈ беше Анте Марковиќ. Да се потсетиме во оваа прилика за тоа дека таа веќе далека 1990 година за килограм откупена смедеревка се плаќаа фантастични седум и над седум конвертибилни динари, односно над една германска марка (читај евро). Пандан на таа откупна цена на смедеревката се 60 денешни денари за килограм смедеревка.
Од тогаш навака, откупот на грозјето стана најголем проблем за лозаропроизводителите и од година за година овој проблем, за жал, се повеќе нараснува, та во овој момент е дојден до точка на вжештување, точка на вриење, по која точка, доколку не се превземат вистинските чекори проблемот ќе се излие како лава од штотуку еруптиран вулкан, односно, најверојатно ќе резултира со фијаско на лозарската, а со тоа и на винската приказна во Тиквешијата и пошироко во Македонија“, пишува здружението.







Можеби ќе ве интересира

Нема договор за откупната цена на грозјето: Лозарите и винариите не се на иста фреквенција

Нема договор за откупната цена на грозјето: Лозарите и винариите не се на иста фреквенција

Димковски: Денеска се исплатија 106 милиони денари за интервентната мерка за индустриско јаболко

Димковски: Денеска се исплатија 106 милиони денари за интервентната мерка за индустриско јаболко

МЗШВ: Со користење на семенски материјал и искористување на субвенциите може да се постигнат рекордни резултати

МЗШВ: Со користење на семенски материјал и искористување на субвенциите може да се постигнат рекордни резултати