„НАПРЕДОК“ ПО СЕКОЈА СРЕДБА СО НИМИЦ: Колку повеќе напредуваме, испливуваат тешките прашања

Добивај вести на Viber

„Има позитивен напредок во преговорите, иако тоа останува најтешкото прашање кое треба да се надмине“, изјави посредникот на ОН Метју Нимиц во преговорите за спорот за името на Македонија вчера во Виена. 

Според него вчерашниот ден бил продуктивен и тоа го наведнува на мислата да биде оптимист.

 „И двајцата министри се фокусираат на долгорочните односи - стабилност во регионот, добри билатерални односи меѓу двете држави и има надеж дека ќе продолжиме да работиме позитивно“, додаде уште Нимиц по средбата. 

Од своја страна македонскиот министер за надворешни работи Никола Димитров рече: 

„Имаме условен напредок во преговорите, бидејќи колку што напредуваме толку доаѓаме до најтешките прашања. Има уште да се мисли како од нивна, така и од наша страна. Работевме логично, за да видиме што е најважно за едната и за другата страна, за да видиме дали со компромисите, кон кои се движиме, може да ги покриеме овие работи“ но она што не зачудува е дека колку отворено и конкретно одиме кон решение, така се повеќе на површина излегуваат тешкотиите“, кажа Димитров по седумчасовната средба со неговиот грчки колега Никос Коѕијас и Метју Нимиц од австриската престолнина.

ФОТО: МНР