Наскоро Кавадарци ќе добие своја стопанска комора

Добивај вести на Viber

Иницијатива за формирање регионална стопанска комора, покренаа бизнисмените од  Кавадарци во рамки на Стопанската комора на Македонија. Како што соопшти синоќа градоначалникот Александар Панов на седница на општинскиот Совет, иницијативата има поддршка од локалната самоуправа. - Стопанствениците од најразвиениот економски регион во Македонија, тиквешкиот, сакаат да имаат сопствен удел во креирањето политики, законски решанија, барања до владините институции и локалната самоуправа, истакна Панов. Уште пред една година, стопанствениците иницираа постапка за формирање регионална комора во Кавадарци. Но, во изминатиот период, откако биле разгледани можностите да функцинира како самостоен субјект, заклучено е дека сепак е подобро да биде дел од Стопанската комора на Република Македонија. Сега иницијативата е во таа насока и собрани се потписи од скоро сите стопански субјекти во градот. Според Панов, претстои реализацијата на формалностите околу верифицирањето и утрдувањето на телата на стопанската комора на Кавадарци по што се очекува и нејзино официјално отворање.