НАУЧНИЦИ ОД ХАРВАРД СЕРИОЗНО ПРЕДУПРЕДИЈА НА ЕДЕН ВИД МЕСО - ова се загрижувачки резултати

Добивај вести на Viber

Тим американски експерти анализирале податоци од повеќе од 200.000 учесници во текот на 36 години за да откријат што му прави хеминот на нашето здравје.

Научниците од Универзитетот Харвард издадоа остро предупредување за црвеното месо, повикувајќи ја јавноста да го намали неговиот внес. Тим американски експерти анализирале податоци од повеќе од 200.000 учесници во текот на 36 години за да откријат што му прави хеминот на нашето здравје.

Хеминот всушност е облик на железо кое најлесно се апсорбира од човечкото тело, а го има во различни видови месо, вклучувајќи говедско, јагнешко и некои видови риби, но научниците открија „значајна врска“ помеѓу овој вид железо и појавата на дијабетес тип 2, пишува Експрес.

Симптоми на дијабетес 2

„Оваа студија ја нагласува важноста на изборот на здрава исхрана во превенцијата на дијабетесот“, рече Френк Ху, професор по исхрана и епидемиологија. „Намалувањето на внесот на хемин, особено од црвеното месо и усвојувањето на повеќе растителна исхрана може да бидат ефективни стратегии за намалување на ризикот од дијабетес“, додаде тој.

Дијабетесот тип 2, состојбата зад скоковите на шеќерот во крвта, е под влијание на голем број фактори, вклучувајќи наследност, возраст и телесна тежина. Заболените често чувствуваат прекумерна жед, замор и често мокрење, иако некои не покажуваат никакви симптоми.

Долгорочните импликации на дијабетес тип два, истакнуваат истражувачите, вклучуваат зголемен ризик од деменција, намалување на менталната острина што погодува речиси милион лица низ ОК.

Резултатите од студијата на Харвард откриле дека учесниците кои консумирале најмногу хемин имале 26 отсто поголем ризик да развијат дијабетес тип 2 од оние кои консумирале најмалку. Хемин, исто така, претставува повеќе од половина од ризикот од дијабетес тип 2 поврзан со непреработеното црвено месо.

Ова се несомнено загрижувачки резултати, но научниците сугерираат дека можете да го ублажите овој ризик со замена на црвеното месо со храна од растителна основа секој ден. Храната како мешунките, јаткастите плодови, семките и сувото овошје се добар избор.

Но, научниците признаа дека се потребни дополнителни истражувања за да се разбере целосниот ефект. Нивната група примероци беше 79 отсто жени, претежно бели, и покрај зголемениот ризик од дијабетес тип 2 кај луѓето од африканско, африканско карипско и јужноазиско потекло.