НАУЧНИЦИ РАЗВИВААТ ХОРМОНАЛНА ИНЈЕКЦИЈА ЗА ОТРЕЗНУВАЊЕ: Ќе се користи за лекување на пациенти кои имаат акутно труење со алкохол

Добивај вести на Viber

Научниците од САД работат на хормонална инјекција за отрезнување. Американски научници истражуваат дали „инјекцијата за трезвеност“ би можела да им помогне на пациентите алкохоличари да се опорават од негативните ефекти на мамурлакот.

Истражувачите од Универзитетот Југозападен Тексас на лабораториските глувци им инјектирале „прекумерна“ доза на етанол, што е еднакво на прекумерното консумирање алкохол кај луѓето.

Потоа, како дел од истражувањето, на „алкохолизираните“ животни им бил вбризган хормонот FGF21 (фибробласт фактор на раст 21), кој се наоѓа во црниот дроб.

Големите дози на FGF21 значително го забрзуваат процесот на отрезнување

Хемикалијата испратила сигнал до мозокот да се заштити од штетното дејство на алкохолот. Тие откриле дека на глувците со пониски природни нивоа на хормонот им треба подолго време да се опорават од другите.

Се покажа дека високите дози на FGF21 „значително го забрзуваат“ процесот на отрезнување преку стимулирање на мозочните клетки поврзани со возбудувањето - дури и кога нивото на етанол во нивните тела не е променето.

Познато е дека FGF21 штити од негативните ефекти на алкохолот со тоа што побрзо ги разградува и ги стимулира мозочните клетки. Глувците беа тестирани за исправување на рефлексот и рамнотежата по изложување на етанол.

Водачот на студијата, д-р Стивен Кливе од Универзитетот во Тексас, рече дека се надева дека FGF21 ќе биде корисен во лекувањето на пациентите кои пристигнуваат во болница со акутно труење со алкохол.

„Зголемената будност на пациентот би ни користела многу во вакви ситуации, прво затоа што би ја избегнале потребата од интубација, а треба да се запамети дека пациентите во несвест може да се задушат од повраќање, но и да го забрзаат процесот на проценка и третман на други повреди кои често се случуваат во исто време“, рече тој.

Резултатите од студијата беа објавени во стручното списание Cell Metabolism.