Добивај вести на Viber
Македонската економија сé уште се соочува со ризици поврзани со ситуацијата на Украина, оценува Народната банка на Република Македонија.
Во последното соопштение, централната банка заклучува дека овие состојби главно ќе се одразат на нестабилност на светските цени на енергентите и на житните производи, но може да имаат и влијание и врз очекуваното економско закрепнување.
„Во почетокот на март, геополитичките тензии во однос на состојбите во Украина создаваат неизвесност на финансиските пазари, што придонесува за пораст на цените на финансиските инструменти со висок степен на сигурност“, стои во соопштението од НБРМ.