Добивај вести на Viber
Големата разочараност од партиските вработувања го натерала еден млад жител на српскиот град Ниш во весник да се откаже од факултетската диплома, пишува порталот
Kurir-info.rs
Во знак на протест поради масовното вработување „со врски“ дипломираниот туризмолог и магистер по географија Браними Ѓуриќ се откажал од една од своите две дипломи, во обид да ја подигне јавната свест кај младите луѓе во Србија и да укаже на огромниот проблем со партиските вработувања.
„Мора нешто да се преземе или ни нема спас“, рекол Ѓуриќ.
Овој млад и образован човек чекал работа една година, но вели дека ситуацијата во Србија е таква што и покрај две факултетски дипломи и еден мастер, сепак за него нема место. Тој тврди дека има пријатели кои работа чекаат и цела деценија.
Од двете дипломи, 25- годишниот Ѓуриќ решил да се откаже од онаа од Факултетот за туризам. А со втората диплома воопшто нема да бара работа во Србија, туку одлучил да ја напушти земјата и да замине во САД.
“Ова е срамно за нашата земја. Очигледно е дека на политичката елита не и одговараат паметни луѓе, па затоа и ни оди вака“, изјавил Ѓуриќ за српски Курир.