Недостиг на домашна пченица во Британија
Објавено во: Агробизнис 07 Април, 2013
За првпат по десет години домашното производството на пченица во Велика Британија не ќе може да ги задоволи потреби и земјата. Затоа информираше претседателот на британскиот Национален сојуз на фармерите, Питер Кендал, државата ќе биде приморана да купува жито од странство.
„Поради лошите временски услови минатото лето во Обединетото Кралство се уништени над два милиони тони пченица. Продолжената зима оваа година исто така лошо ќе се одрази на есенската реколта, изјави Кендал во интервју за радиото Би-Би-Си 4.
Минатата година просечниот принос на пченица во Велика Британија се намалил од 7,8 на 6,7 тони по хектар, додека за оваа година, според Кендал, тој се очекува да опадне за уште една четвртина.
„Ако ожнееме само 75 проценти од нивото на ланската реколта, ќе добиеме 11 милиони тони пченица, додека нашата домашна потреба изнесува 14,5 милиони тони“, појаснува Кендал за Би-Би-Си 4.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
