Неизвесен период за мандатарот: На кој најпрво Груевски ќе му фрли јадица?

Добивај вести на Viber

Претседателот на ВМРО-ДПМНЕ и екс премиер Никоал Груевски вчера го доби мандатот за формирање на нова Влада, а рокот да обезбеди парламентарно мнозинство е 20 дена.

ВМРО-ДПМНЕ освои најмногу места во парламентот на предвремените парламентарни избори, кои се одржани на 11 декември во однос на опозициската СДСМ 51:49.

Неизвесно е, меѓутоа, дали долгогодишниот партнер на Груевски, албанската партија ДУИ на Али Ахмети ќе се согласи да влезе во коалиција со ВМРО-ДПМНЕ.

Доколку ДУИ се согласи на коалиција со ВМРО-ДПМНЕ, тие ќе имаат 61 пратеник, што е што е доволно за формирање на парламентарно мнозинство.

А за да се случи тоа, Груевски ќе мора да преговара со албанските политички партии кои неодамна ги обединија своите барања.

Две од четирите албански партии, кои влегоа во парламентот, Беса и Алијанса на Албанците, децидно тврдат дека не планираат да влезат во коалиција со ВМРО-ДПМНЕ.

ВМРО со ДУИ и Демократската партија на Албанците би можела да има дури 63 пратеници, но до неодамна во делот на партијата на Ахмети се слушнаа гласови против коалицијата со Груевски.

Груевски, пак , тврди дека новата влада ќе ја формира „по секоја цена“.

Новата влада треба да биде потврдена најдоцна до 29 јануари.

Ако дотогаш Груевски не формира мнозинство, мандатот ќе и биде понуден на другата партија по бројот на освоени мандати, а тоа е СДСМ.

Она што е извесно е дека засега не очекува неизвесен период и непознато е на кој прво Груевски ќе одлучи да му фрли јадица за да прави заедно со него Влада.