25 Септември, 2018
0.3044
    ADIN 560    0%     ALK 8011.26    0.13%     BESK 10100    0%     CEVI 1000    0%     FERS 61100    0%     GRNT 820    0%     KMB 5178.93    0.08%     MERM 2200    10%     MPOL 320    1.91%     MPT 47284    0.58%     MTUR 4800    0%     OHB 6665.78    1%     OKTA 4307.96    0.28%     RMDEN13 95.12    -1.94%     RMDEN17 96.2    0.1%     STB 1115    0%     STIL 128.55    0.05%     TTK 1140    0.44%     UNI 2300    -0.32%     VITA 9189    4.81%

Некогаш пребогата земја, денес граѓаните со платата не можат да купат ни килограм месо

Објавено во: Анализа 21 Август, 2018

Додека ММФ предвидува дека инфлацијата во Венецуела оваа година ќе достигне милион отсто претседателот на таа земја Николас Мадуро најавува најголема економска реформа.

Мадуро се обидува да ја заврши економската криза која ја уништи најбогатата со нафта јужноамериканска држава и направи хаос.

Каркас ќе започне со издавање на нови банкноти откако ќе се намалат пет нули од боливрите.

Мадуро вели дека земјата мора да покаже „фискална дисциплина“ и ќе го заврши печатењето на прекумерна количина на пари, кои доведоа до бескрајна хиперинфлација, која ги зголеми цените на астрономски нивоа. Во овој момент минималната месечна заработка не е доволна за купување на килограм месо.

Слично на Југославија во 1993 година, граѓаните на Венецуела за само едно одење во продавница мора да потрошат милиони. Националната валута, боливар, толку малку вреди, што ни со полна шака пари не би било возможно да се направи најосновното купување за едно семејство, а на тоа треба да му се додаде и фактот дека полиците се празни, а платите исклучително ниски.

За едно просечно пиле (2,4 кг) граѓаните на таа некогаш богата држава сега мора да издвојат 14 600 000 боливри (околу два долари). За само една ролна тоалет хартија е потребно да се издвојат дури 2 600 000 боливри (околу 0,4 долари), килограм моркови чини 3 000 000 боливри (0,46 долари), пелени 8 000 000 боливри - 1,22 долари и слично.

За некој кој тоа може да си го дозволи, просечно одење во продавница би можело да чини и десет или 15 милиони боливри. Да се работи за некоја друга валута, тоа би било вистинско богатство, но боливрата е толку девалвирана што не вреди ништо. 

Просечната плата во Венецуела е доволна да се купи само еден килограм месо, а инфлацијата се ближи до неверојатни 1 000 000 отсто.

Затоа пред три недели, Мадуро објави нов план на борба против венецуелската хиперинфлација кој стапува на сила денес, но експертите се скептични, а поединци сметаат дека новите мерки дури можат да го влошат хаосот во државата.