Неколку партии одбија коалиција со Груевски: Молк од ДУИ и СДСМ

Добивај вести на Viber

Откако стана јасно дека Никола Груевски прв ќе се обиде да состави нова Влада, дел од партиите кои добија мандати на изборите од 11 декември се изјаснија со став дека нема да соработуваат со Груевски.

Алијансата за Албанците и Беса се првите партии кои му вртат грб на лидерот на ВМРО-ДПМНЕ и велат дека нема да одговараат на ниту една покана од Никола Груевски за каква било комбинација за формирањето на новата влада.

„Уште од старт не можеме да зборуваме за исполнување на какви било услови затоа што ние јасно истакнавме дека во идната влада не треба да не бидат опфатени лица кои што се предмет на истрага на СЈО, каде што по се изгледа Груевски е клучниот човек“, изјавил Зекирија Ибраими потпретседател на Беса за РСЕ.

Алијансата за Албанците нема да учествува во составувањето на новата влада ако мандатор е Никола Груевски, осомничено лице од СЈО, категоричен е Зулфи Адили од Унитети, партија која е дел од Алијансата за Албанците во изјава за „Фокус“ по веста дека Иванов денеска ќе му го додели мандатот на лидерот на ВМРО – ДПМНЕ.

Од ДПА велат дека ги изненадила одлуката да му се даде мандат на Груевски повикувајќи се на Уставот во кој се наведува дека мандатот се доделува на тој што успеал да обезбеди 61 пратеник односно мнозинство.

Засега по доделениот мандат молчат од ДУИ долгогодишниот коалиционен партнер на ВМРО-ДПМНЕ.

Со став се уште не излзе ниту опозицијата, откаде се очекува да не прифатат состав на влада заедно со ВМРО-ДПМНЕ.