Цементарницата Усје ги исполни предвидените еколошки стандарди

Добивај вести на Viber

Скопската цементарница Усје ја пушти во употреба новата пречистителна станица за атмосферски води. Инвестиција е вредна половина милион евра, а е задолжителна за А интегрираната еколошка дозвола. Како што посочија од компанијата, со пуштањето на станицата , Цементарница ги исполни сите обврски од Оперативниот план пред рокот во април 2014 година. Станицата според надлежните, ќе гарантира дека сите излезни води од Цементарница УСЈЕ ги исполнуваат во целост сите еколошки параметри според законот. „Од влезот на Титан, во модернизација и имплементирање на нови технологии вложивме над 68 милиони евра, од кои 36 милиони евра директни вложувања во унапредување на процесите во функција на заштита на животната средина,“ рече Борис Хрисафов, главен извршен директор на Цементарница Усје АД Скопје. Според вицепремиерот за економски прашања,  Владимир Пешевски, нема отстапување од барањата за запазување на еколошките стандарди. „Владата на Република Македонја е заинтересирана за развојот на економјата и бизнисот во државата, но не со ризик за животната средина. Од тој приоритет нема отстапувања. Затоа ги поздравуваме ваквите инвестиции кои обезбедуваат одржлив економски развој, а тоа е единствениот правец кој може во иднина да донесе бенифити за сите и граѓаните и бизнисот“, рече Пешевски. Министерот за животна средина и просторно планирање Абдулаќим Адеми истакна дека министерството за животна средина ќе продолжи да дава поддршка на процесот на исполнување услови за еколошките дозволи. Воведувањето на Интегрираната еколошка А дозвола е обврска од Законот за заштита на животната средина. Според надлежните, Досега 130 компании имаат обврска да се стекнат со А-интегрирана еколошка дозвола. Помалку од половина ја исполниле оваа обврска.