НЕМА ПОРИГОРОЗНИ ЗАБРАНИ НА ДВИЖЊЕТО: Бројот на заразени со Ковид-19 се зголемува
Објавено во: Македонија, Корона Вирус 01 Април, 2020
Нови 44 случаи со коронавирус е регистрирани во последното деноноќие, па
сега вкупниот број на потврдени пациенти е 329. Властите во земјава сметаат
дека дека ситуацијата и понатаму е сериозна, но велат дека земјата има
соодветна поставеност и нема потреба од воведување поригорозни мерки во однос
на ограничувањата на движењето на граѓаните. Според
последните објавени податоци, на Клиниката за инфективни болести и фебрилни
состојби се лекуваат 54 пациенти, четворица се во критична состојба, а 20 освен
редовната терапија, имаат потреба само од кислородна маска. Останатите се со
лесна клиничка слика без потреба од поддршка на дишењето во смисла на
дополнителен довод со кислород.
Состојбата со коронавирусот во земјава беше тема и на вчерашната седница на националниот Совет за безбедност, на која, како што информира претседателот Стево Пендаровски, било оценето дека ситуацијата останува сложена, но дека едногласно е заклучено оти досега имаме адекватна поставеност на државата и ефективна соработка меѓу надлежните служби.
– Сите сценарија
за идниот развој на настаните се оптоварени од главната непозната, а тоа е
колку долго ќе трае пандемијата. При тоа едногласно беше заклучено дека досега
имаме адекватна поставеност на државата и ефективна соработка меѓу надлежните
служби, стриктно спорведување на препораките на СЗО и со мали исклучоци имаме
навистина одговорно однесување на граѓаните, изјави вчера претседателот Пендаровски.