Нема пренос на коронавирусот од трудница на плодот
Објавено во: Македонија, Корона Вирус 01 Април, 2020
Од почетокот на пандемијата, не постои случај на вертикален пренос на коронавирусот, рече денеска на прес коференцијата министерот за здравство Венко Филипче, одговарајќи на прашањето како коронавирусот ги афектира новороденчињата.
-За многу специфични работи се уште и во светот нема доволен број на информации. Кога имаме таква непознатица, ако се соочиме со нешто ново, тогаш се консултира стручна литература во рамки на стрчниот колегиум на една клиника, или се прават консултации како ин ицијалните информации се дека многу мал е процентот. Всушност до сега и не сретнавме случај на вертикален пренос, односно мајката да го пренесе вирусот на бебето. И генерално, во светот, за сега е многу мал процентот на ифицирани трудници, но, доколку имаме позитивни случаи, тогаш постапуваме по строго утврдени протоколи информира Филипче.