Непроменетото ниво на производство на ОПЕК ја собори цената на нафтата

Добивај вести на Viber

Терминските цени на нафтата во текот на денешното тргување во Азија паднале, во светло на одлуката на Организацијата на земјите извознички на нафта (ОПЕК) да го задржи високото производно ниво, додека трговците исто така биле фокусирани на потенцијално враќање на иранска нафта на пазарот во случај на укинување на санкциите на таа земја, наведуваат аналитичарите.

Американската „лесна“ нафта (WTI) за испорака во јули поефтинила на Њујоршката берза 47 центи на 58,66 долари, додека нафтата од типот „брент“ за јулска испорака во Лондон поефтинила 42 центи на 62,89 долари.

Инвеститорите сега разгледуваат кои долгорочни ефекти по цена на „црното злато“ ќе ја има одлуката на ОПЕК да го задржи нивото на произведство на 30 милиони барели дневно, велат аналитичари.

„Цените веројатно ќе останат колебливи пред 30 јуни, кога истекува рокот за постигнување на спогодба на Иран и шест западни сили за ограничувања на нуклеарниот програм на Техеран“, изјавил аналитичарот, Санџев Гупт од консултантската компанија  EY.

Ако договорот биде постигнат, западните сили се согласиле да започнат со постепено укинување на санкциите на Иран, кои се на сила од 2012 година, наведуваат светските медиуми, потестувајќи дека Иран по обем на резервите на нафта е четврт на светот, но дека неговиот извоз паднал од 2,2 милиони барели дневно од 2011 на 1,3 милиони барели поради воведување на санкции.