Netaville – запознај се со новиот IT хаб во Скопје
Објавено во: Мои пари 14 Септември, 2022 15:24

Без разлика дали си IT студент кој сака да научи повеќе или да запознае колеги или IT заедницата, или професионалец на кој му треба место за ко-воркинг, или имаш супер идеја за тек-настан, Нетавил е местото кое ќе ја поддржи твојата визија и ќе и помогне да се претвори во реалност.

IT студентите можат да присуствуваат на предавања, да запознаат професионалци и да уживаат во посебните попусти кои ги имаат во кафе-барот кој е дел од просторот. Блискоста до техничките факултети го прави местото лесно достапно до студентите. Простор во Нетавил е достапен за локалните IT факултети за нивните настани и едукативни потреби. Нетавил ќе биде место кое ќе го поддржи професионалниот развој на студентите и ќе го направи нивното учење повозбудливо и интересно.

Организациите, заедниците и организаторите на настани, можат да го резервираат социјалниот простор за нивниот следен IT настан. Без разлика дали организираш натпревар, хакатон, предавање, саем на кариера или средба на твојата група, Нетавил е место кое е достапно за сите настани од кои ќе има бенефит IT заедницата.
Професионалците, фриленсерите и експатите можат да го користат ко-воркинг просторот и да уживаат во пријатната работна средина. Тие можат да се сретнат со колеги, да разменуваат идеи додека пијат кафе, и да ги искористат предностите на локацијата.

Интернационалната софтвер компанија Netcetera ја поддржа креацијата на Нетавил. Поддржувањето на локалната IT заедница и на талентите е еден од главните принципи на компанијата. Замислата е Нетавил да го стимулира развојот на растечката тек-сцена во Македонија и да ги инспирира младите таленти да се пронајдат во IT светот.
Пр објава
Можеби ќе ве интересира
ПУШТЕНА ВО УПОТРЕБА НОВАТА МИКРОБИОЛОШКА ЛАБОРАТОРИЈА ЗА КВАЛИТЕТ НА „АЛКАЛОИД“ ПРИ ОФИЦИЈАЛНАТА ПОСЕТА НА ВЛАДИНА ДЕЛЕГАЦИЈА НА КОМПАНИЈАТА
Емисиите од работата на ТИТАН УСЈЕ се под граничните вредности определени со Закон
Нов едукативен и истражувачки центар на Градежниот факултет во соработка со ТИТАН Усје, во рамки на проектот „Знаење + CO₂ -“
Никотински ќесички како модерна еволуција на снус без тутун
Мало отрезнување за акциите со вештачка интелигенција
Просечната цена на струјата на HUPX берзата за 19 декември изнесува 134,46 евра за мегават час, на МЕМО 154,75 евра за мегават час
Првпат во Македонија: Во „Аџибадем Систина“ изведена имплантација на вештачки колк кај 14-годишно дете




