НЕВЛАДИНИТЕ АЛАРМИРААТ: Има труење на кучиња со опасен отров во градовите и селата

Добивај вести на Viber

Низ Македонија масовно се трујат кучиња, тврдат од  Здруженијата за заштита на животните. 

Тие велат дека по несреќата во која четиригодишно дете беше жртва од напад на кучиња со сопственик, граѓаните масовно пријавуваат труења на бездомни животни, дури и нивно застрелување. Објаснуваат дека е расфрлан високораздорен, смртоносен отров насекаде, во градовите и селата во Македонија. Според нив, овој отров само при вдишување е фатален за животните, но и секој возрасен човек, а камоли дете. Отровот во храна е фрлан на високофреквентни локации, шеталишта, игралишта, дури и детски градинки, предупредуваат здруженијата.

„Труењата се истовремени во повеќе градови и села што укажува дека се институционално синхрозирани и реализирани. Денес до нас стигна снимка на која се снимени две лица како фрлаат отров, со кој убија повеќе маалски животни. Знаеме дека зад ова постои план и организација и се сомневаме во општините“ - соопштуваат здруженијата за заштита на животните Анима Мунди (Скопје), Анималиа (Охрид), Гласот за животните (Велес), Animal World (Струга), Мали херои (Битола), Спаси живот (Штип), Срце за животните Тиквеш (Кавадарци), ЕДЕН (Скопје), Асоцијација на активисти за правата на животните (ААПЖ).

Тие апелираат  да не се злоупотребуваат лични трагедии и несреќи за да се убиваат животните и покријат некомпетентноста, незаинтересираноста, одговорноста на институциите кои ја имаат во однос на проблемот со бездомните кучиња.

Наведуваат дека 9 од 10 угризи од кучиња, се од кучиња со сопственик, а не од бездомни. 

Трагичниот настан со искасаното дете се случи во кичевско Бачишта, но тоа не беше единствен случај деновиве. Потоа следеа уште неколку случаи каде луѓе беа каснати од куче.