Невработен Италијанец измисли нова професија – Чекање на ред во банка

Добивај вести на Viber

Се досадувате ли кога треба да чекате ред во банка, на некоја каса и слично. Токму тоа е специјалноста на Џовани Кафаро. Четиридесетгодишниот Италијанец, кој ја изгубил својата работа како маркетинг директор во текстилна фабрика, одлучил да се впушти во нова авантура. За 10 евра на час , "фер" цена според неговите зборови , Џовани Кафаро им нуди на своите сонародници да се нареди на опашката наместо нив. „Иако испратив повеќе од 500 CV, не ми понудија никаква конкретна можност" , раскажува Кафаро кој е шест месеци невработен. „Еден ден , додека чекав на шалтер на една административна служба , идејата ми светна". Покрај скептицизмот на блиските, Џовани Кафаро почнал да го обиколува Милано во потрага по редици, каде ја предлагал својата услуга. На располагање од понеделник до недела, Италијанецот се претставува себеси како „почитуван и сериозен специјалист " , пренесува Point.fr . Како дипломиран специјалист за односи со јавноста, тој им нуди на своите клиенти да пазарува наместо нив, да вози во метеж или да пополнува документи во банка. Се разбира, најголема побарувачка има за неговата главна активност : да чека во редици, имајќи предвид дека Италија е меѓу земјите со голема и тешка администрација, работа со која се одзема време, понекогаш и цел ден. „Организиран, мирен и трпелив" , Џовани Кафаро тврди дека го познава целосно начинот на работа на администрацијата и доживува вистинско задоволство да им помага на луѓето. Притоа, тој е амбициозен претприемач кој се надева да го наметне својот сервис како во Италија , така и во странство.   А.А.