НИКОЛИЌ: Да го насочиме Дунав кон Македонија, по Вардар да се плови!

Добивај вести на Viber

Во првата посета на претседателот на Србија Томислав Николиќ, освен за политика, се разговараше и за крупни економски проекти. Според Николиќ, стратешките инвестиции треба да бидат во инфраструктурата и енергетиката. „Ние сме во преговори барем со десет кинески инвеститори, кои сакаат да градат огромни инвестиции, како Ѓердап три, термоелектраната „Никола Тесла“, а тука е и старата идеја за која треба да се разговара со Македонија, но и со Грција. Да свртиме еден дел од Дунав, преку Морава и Вардар до Егејското море и да направиме за две илјади и двесте километри покус пат за стоката која се транспортира од Кина до Германија и обратно, но би било добро и за наводнувањето на нашите три држави. Тоа е проект кој постои 70 години но никој не се осудуваше да влезе. Ние ќе се осудиме ако успееме да се собереме сите три држави на тој проект, а тоа би било можност Македонија и Грција да седнат на иста маса. Во трите држави се живее тешко и ни се потребни инвестиции“ изјави српскиот претседател Томислав Николиќ.