Николоски во Фактор магазин: Секој пратеник кој ќе поддржи уставни измени ќе биде исклучен
Објавено во: Македонија 02 Ноември, 2018
Потпретседателот на ВМРО ДПМНЕ во интервју за емисијата Фактор магазин оцени дека подобар договор со Грција веќе не е можен.
"Стојам на ставот дека договорот е лош, но сега, со односот на СДСМ, по се што се случи, сме во еднонасочна улица. За жал сите ние ќе мора да живееме со Преспанскиот договор'.
Тој во интервјуто рече дека секој пратеник кој ќе гласа за уставни промени ќе биде исклучен од ВМРО ДПМНЕ.
"Секој пратеник од ВМРО-ДПМНЕ кој во Парламентот ќе постапи спротивно на ставот на Централниот комитет и даде поддршка на уставни промени ќе биде исклучен од партијата", порача Николоски.
Тој изјави дека процесот на разрешувања во ВМРО ДПМНЕ е завршен, додавајќи дека останува на ставот на Централниот комитет дека Сашо Мијалков работи во интерес на власт.