Николовски: Ја разбирам разочараноста на Димитров

Добивај вести на Viber

Љупчо Николовски, вицепремиерот за борба со корупција, вели дека ја разбира разочараноста на Никола Димитров, вицепремиерот за евроинтеграции, кои повеќе нема да биде дел од Владата.

Димитров денеска рече дека не сакал сам да се повлече од функцијата, дека некој сакал намерно да го назначи за амбасадор во Вашингтон за да не зборува за спорот со Бугарија, но и дека не му верува целосно на министерот за надворешни работи Бујар Османи.

„Не верувам дека ова излагање ќе предизвика потрес, ставовите треба да станат пракса во македонската демократија а не позадинските игри. Кога сте влезени чесно и одговорно за плата во политиката, нема што да се крие. Димитров дал силен придонес особено во Преспанскиот договор, поради кој Македонија е членка на НАТО и ја имаме сигурноста остварена како стратешки приоритет.

Покрај премиерот Заев, Димитров дал придонес во тој правец и верувам дека и во наредниот период ќе дава придонес во европската перспектива

Ние сме соочени со проблем со Бугарија, но нема никаква попустливост, туку се што правевме е заштита на јазикот, на традициите и се она што вековно ни е оставено да го чуваме

Ја разбирам разочараноста на Димитров, бидејќи навистина сакавме да преговараме со ЕУ, бидејќи тоа е начинот како да го трансформираме општеството. И верувам дека во тој процес ќе нема партии, групи, особено затоа што сме малку, туку да ги вградиме луѓето кои имаат компетенции“, рече Николовски во Битола како коментар побаран од новинарите.