19 Август, 2018
0.3132
    ALK 7956.45    -0.54%     GRNT 793.88    -1.36%     KMB 5168.81    -0.47%     MERM 2006    126.41%     MKSD 204    0%     MPT 44500.29    -1.11%     MTUR 4600    -1.08%     OHB 6500    -0.01%     OKTA 4215.18    -6.1%     PPIV 44500    -1.13%     RADE 1700    -0.12%     RMDEN17 96.02    -0.08%     RZEK 30    0%     RZTK 511    0%     RZUS 120    -2.94%     STB 1031.49    0.11%     STIL 131.22    -1.34%     TEL 277.4    -1.52%     TNB 14130    -0.46%     TTK 1146    -0.09%     UNI 2400    0.04%     VITA 8767    3%

Николовски: Кадровско екипирање на Платежната агенција и исплата на обештетувања на сточарите за „јазлеста кожа“

Објавено во: Агробизнис 04 Декември, 2017

Министерот за земјоделство, шумарство и водостопанство, Љупчо Николовски, денеска одржа работен состанок со директорот на Агенцијата за финансиска поддршка во земјоделството и руралниот развој, Николче Бабовски, и со раководителите на секторите во Агенцијата. На состанокот беше презентирана моменталната состојба на функционирање на Платежната агенција, како и проблемите со кои се соочува.

Се заклучи дека главен проблем е дефицитот со човечки ресурси. Министерот Николовски посочи дека за проблемот е запознаена и Владата и веднаш ќе се започне со кадровско екипирање на Агенцијата, чие што функционирање е важно за имплементација на мерките од Националните програми за финансиска поддршка во земјоделството и руралниот развој, како и за ефикасно искористување на финанасиските средства од европската ИПАРД Програма. 

„Веќе се создадени услови за веднаш да се започне со вработувања во Платежната агенција, и процесот ќе се одвива етапно, во фази. Од 2007 година се немало слух за одливот на кадри од Платежната агенција. Незамисливо е во една институција како што е Платежната агенција, каде што има голем број софтвери, кои се важни за реализација на мерките од Националните Програми за финансиска поддршка во земјоделството и руралниот развој, во ИТ-секторот да работат само 4 луѓе. За да се реши овој проблем со дефицит на човечки ресурси, потребни се измени на Закон за Платежна агенција, на што забрзано се работи. Токму во однос на кадровската екипираност во важна Агенција, преку која се спроведуваат и мерките од европската ИПАРД Програма, имаше директни и недвосмислени укажувања и од Брисел“, изјави министерот Николовски.

Директорот на Платежната Аагенција, Бабовски посочи дека Агенцијата бара нови 69 вработувања и 29 унапредувања на постоечкиот кадар.

„За само два и пол месеци од Платежната агенција поради ниски плати си заминаа пет висококвалификувани кадри. Во Агенцијата има професионалци кои се уште се со статус помлади соработници, и изминативе години воопшто не биле унапредени. Тоа мора да се промени, затоа што функционирањето на оваа Агенција е важно за реализацијата на субвенциите од нашите Програми, но и за искористување на европските фондови“, изјави директорот Бабовски.

На денешната средба Николовски и Бабовски посочија дека освен проблемите со кадровското екипирање на Агенцијата, застој има и кај проектите за кои конкурираа за проекти.

Воедно министерот Николовски информираше дека од утре започнува исплатата на обештетувањето на сточарите чиј добиток минатата година угина од болеста „јазлеста кожа“. Опфатени се 242 сточари на кои што им угина добитокот поради оваа болест во  2016  година. Вкупниот износ за обештетување е 15 милиони денари. Обештетувањето ќе биде 100 проценти од проценетата вредност на угинатото животно, а до крајот на месецов ќе се заврши со исплатата.

Во делот на исплатата на субвенциите, министерот Николовски и директорот Бабовски, информираа дека досега се исплатени околу 92 милиони евра субвенции.За доисплата остануваат околу 4,5 милиони евра за 2016 година, што се дел од вкупно 100-те милиони евра пренесени обврски од претходни години.

Можеби ќе ве интересира

МЗШВ донесе сет мерки за стабилизирање на состојбата со откупот на сливи

МЗШВ донесе сет мерки за стабилизирање на состојбата со откупот на сливи

МЗШВ: Фактите околу сообраќајната несреќа ги побиваат лагите на ВМРО ДПМНЕ

МЗШВ: Фактите околу сообраќајната несреќа ги побиваат лагите на ВМРО ДПМНЕ

Тим од МЗШВ на средба со заменик амбасадорот на Руската Федерација, двете страни се согласни да се најде решени за времената забрана за извоз

Тим од МЗШВ на средба со заменик амбасадорот на Руската Федерација, двете страни се согласни да се најде решени за времената забрана за извоз

Лековита билка носи 3000 евра заработка по хектар

Лековита билка носи 3000 евра заработка по хектар

Николовски: Работиме на континуирано и навремено чистење на одводните канали и речни корита во секоја општина

Николовски: Работиме на континуирано и навремено чистење на одводните канали и речни корита во секоја општина

МЗШВ: Срамно и недозволиво е несреќен случај да се користи за политички манипулации со јавноста

МЗШВ: Срамно и недозволиво е несреќен случај да се користи за политички манипулации со јавноста

Македонија ќе најде други пазари, ако Русија става блокади

Македонија ќе најде други пазари, ако Русија става блокади

РАМПИТЕ СПУШТЕНИ: Се бара чаре за праските од Македонија кои Русија не ги сака

РАМПИТЕ СПУШТЕНИ: Се бара чаре за праските од Македонија кои Русија не ги сака

Нова субвенција од 2 денари за килограм откупени сливи, за стабилизирање на откупот на сливи

Нова субвенција од 2 денари за килограм откупени сливи, за стабилизирање на откупот на сливи