Николовски песимист дека Македонија никогаш нема да влезе во Европската унија

Добивај вести на Viber

Потпретседателот на ВМРО-ДПМНЕ, Александар Николовски, во своето синоќешно гостување во телевијзта Клан изјави дека е песимист дека Македонија некогаш ќе влезе во Европската унија. Напредокот на Македонија во евроинтеграциите тој го спореди како оној на Турција.

- Со овој договор Македонија никогаш нема да стане членка на ЕУ, затоа што Грција тоа никогаш нема да го дозволи. Ние ќе станеме втора Турција, ќе бидеме секогаш во процес на преговори, но никогаш нема да станеме членка – рече партискиот функционер кој важи за еден од најголемите „виновници“ за последната низа од исклучувања и разрешувања на истакнати членови од партијата.

Николовски не верува во пријателството со Грција и верува дека, согласно Спогодбата од Преспа, јужниот сосед има право да стави вето на отворање на секое следно поглавје во процесот на преговори на Македонија со Европската Унија, доколку е незадоволна од извештаите кои ќе се поднесуваат во јуни и декември секоја година. Претпоставува дека секоја идна грчка популистичка влада може да си го крене рејтингот со оваа спогодба.

– Теоретски, Македонија треба да прифати се што Грците ќе побараат и дополнително национално да се понижи. Секогаш кога на грчки премиер ќе му е потребно да си го крене рејтингот дома, ќе стави блокада на следното поглавје во процесот на преговори со ЕУ што во превод ќе значи дека ние никогаш нема да ги завршиме преговорите за членство во ЕУ – рече Николоски.