Ниту со нафта, ниту со акции - погодете со што се занимава најплатениот директор во САД

Добивај вести на Viber

Извршните директори во САД по својата моќ се изедначуваат со министри и пратеници бидејќи имаат значително повисоки плати, но и огромно влијание, како во индустријата и бизнисот, така и во општеството. 

Затоа кога ќе помислите кој од нив е најплатен на прва ви доаѓаат компании како Apple, Exon Mobile или банките и инвестициските фондови на Вол Стрит, но сите тие се позади Роберт Котик, извршниот директор на Activision Blizzard компанија која изработува видео игри и забавни содржини. 

Според најновите информации Котик може да добие нов пакет на акции со вредност од 56 милиони долари што ќе го направи најплатен директор во текот на една фискална година во било која компанија на пазарот. 

Секако, тука не се зема во предвид личното богатство и акциските удели на повеќето извршни директори, на пример Марк Цукерберг има симболична плата од само 1 долари, но тој истовремено е ко-основач, мнозинско сопственик и директор на Facebook. 

Затоа гледано низ призмата на плата Котик е на добар пат да биде најплатениот директор во САД. Activision Blizzard е една од најсупешните компании за изработка на видео игри со рекордна продажба на наслови како Call of Duty и Warcraft франшизата.