Нобеловците му се „намерачија“ на биткоинот: Бараат да се забрани
Објавено во: Финансии 02 Декември, 2017
Добитниците на Нобелова награда и бизнисмени минатата недела не престануваа да го критикуваат биткоинот, валутата која е на пат да достигне вредност до 11 000 долари.
Најтешката проценка дојде од Нобеловецот Џозев Стиглиц кој рекол дека биткоинот треба да се забрани.
„Биткоинот е успешен само поради потенцијалот кој го има поради анонимност“, рекол Стиглиц.
Како што додал, биткоинот дури не е ниту општествено корисен.
Робер Шилер, исто така нобеловец апелираше инвеститорите да бидат внимателни бидејќи биткоинот нема поддршка ниту од владата, ниту од финансиските регулатори.
„Тоа е толку убава приказна“, рекол тој на една конференција во Литванија и додал: „Уште само да беше вистинска“.
Директорот на Голдман сакс Лојс Бланкфејн вели дека таа валута исклучиво е средство за измама. Додека милијардерот Карл Икхан тврди дека се работи за балон.
Петокот заврши со вредност од 10 700 долари за биткоинот.