Нокиа сака да ја продаде централата во Финска

Добивај вести на Viber

Конпанијата сака да го продаде централата во Еспо, Финска, пренесоа светските агенции. Тоа е дел од планот на производителот на мобилни телефони да се ослободи од средствата, кои не се дел од  неговата главна дејност. „Размислуваме како да ги намалиме средствата кои не се поврзани со нашата главна дејност, а тоа ќе вклучува и продажба на имот што го поседува компанијата. Во овој дел спаѓа и централата ", коментира портпаролот на Нокиа, Маја Тајм. Уште во јули раководството на компанијата, која се бори за опстанок, ги извести инвеститорите дека планира да продаде дел од имотот, јавуваат агенциите. Според финскиот весник „Iltasanoma“ зградата од стакло и челик на брегот на Балтичко Море чини 200-300 милиони евра. Сепак, финансискиот директор на Нокиа,  Тимо Ихамуотила негира дека компанијата планира да ја премести централата надвор Финска. Тој објасни дека ќе останат во истата зграда, но како закупци. Загубите во Нокиа пораснаа, посебно во вториот квартал од годината. За вторите три месеци од годината, загубата достигна 1,4 милијарди евра.