Добивај вести на Viber
Според експертската јавност и еснафот овој подвиг е резултат на долгорочната стратегија за навремено и агресивно освојување на пазарот на кредитирање на население каде банката има најсилни позиции и одличен профит со ниски трошоци
„Стопанска банка Скопје“ за три месеци има добивка од речиси 10 милиони евра, покажуваат податоците од најновиот биланс на успех што банката го објави на берзата, а се однесува за периодот јануари-март годинава. Со овој резултат „Стопанска банка Скопје“ убедливо е најпрофитабилната компанија, во конкуренција на 113 компании чии акции котираат на некој од сегментите на Официјалниот пазар на Македонската берза за хартии од вредност. Ова е досега најдобар резултат на најголемата македонска банка – гледано од аспект на кредитирање на население во Република Македонија.
Вкупно 604,1 милиони денари е профитот на „Стопанска банка Скопје“ за првите три месеци годинава. Тоа е рекордно највисок квартален профит на оваа банка, која од 2000 година е дел од грчката банкарска групација, остварен досега.
Банката има финансиски квартален исход што за условите на нашиот кредитен пазар може да се оцени како фантастичен. За овој резултат кај еснафот на инвеститори во хартии од вредност во земјава преовладува мислење дека е резултат на долгорочната финансиска стратегија на таа банка за агресивно кредитирање и позиционирање кај граѓанскиот сектор – процес што го почнаа пред најмалку десет години и кој еве сега го достигнува својот зенит. Нето приходот од камати за првите три месеци 823,8 милиони денари што претставува 1,1 милиони евра (67,7 милиони денари) повеќе од истиот период лани.
Овој резултат е остварен во услови кога приходот од камати бил понизок од лани за 160 милиони денари и изнесувал 1,14 милијарди денари. Најдобиот финансиски резултат на банката е резултат на ефикасна политика на кастрење на расходи заради тоа што најголемата добивка е постигната во услови кога банката има пониски од лани приходи од двете најважни дејности: приходи од камати и приходи оф провизии и надоместоци.
Но ефикаснотот кратење на трошоците за вработени и за останати трошоци како и намалените резервации кои во споредба со лани беа преполовени го напаравија своето. И можеби и најважното, за првиот квартал годинава оваа банка има нула расход односно нема трошок за загуби заради оштетување на нефинансиски средства – нешто со кое другите банки се соочуваат.
Овој финансиски резултат ја врати довербата и кај инвеститорите на берзата, макар и на краток рок особено по нивното разочарување заради тоа што нема дивиденда за лани. По објавата на финанскиот резултат за првиот квартал цената на таа акција на домашниот финансиски пазар порасна за 5,3 отсто. Р.Ф.