НОВ УДАР ЗА ГРЧКАТА ЕКОНОМИЈА: Поради банкротот на „Томас Кук“ изгубија милијарди
Објавено во: Економија 30 Септември, 2019
Удар од половина милијарда евра и зададе големата британска туристичка групација „Томас Кук“ на Грција поради банкротот.
Ова го соопштуваат грчките власти од областа на туризмот.
Министерот Харис Теохарис најавил владина помош за туристичките фирми и вработени.
Владата веќе покренала и мерки за зачувување на работните места на оние кои без тоа би можеле да останат без работа поради банкротот на агенцијата.
На туристичките фирми плаќањето за ДДВ им се одложува за шест месеци во однос на процентот на промет кој секоја од нив го имала со агенцијата во стечај, а на погодените камати им се нуди и бескаматна кредитна поддршка од Грчката банка за развој.
Со итен законски акт Министерството за труд ќе ја олесни исплатата за надомест на вработените и ќе го продолжи плаќањето на тој надомест за еден месец. Тие поволности ќе ги имаат оние кои веќе се отпуштени од компании поврзани со бизнисот на „Томас Кук“.
Владата подготвува и поедноставување на постапката за отпис на ненаплатливи кредитни побарувања врз основа на фактури на „Томас Кук“.
*Читајте и за овие поврзани теми:
„ТОМАС КУК“ ЈА ФРЛИ ГРЦИЈА НА КОЛЕНА: Банкротот им донесе „земјотрес, а очекуваат и цунами во туризмот“Грција тешко го пребродува банкротот на „Томас Кук“, во неволји и Бугарија