НОВ ВЛАЖЕН БРАН ОД УТРЕ, ЌЕ ДОНЕСЕ И СНЕГ И ДОЖД - еве какво ќе биде времето следниве денови

Добивај вести на Viber

Ладното време ќе продолжи и во текот на новата седмица. Од утре, вторник 11 февруари не очекуваат и нови врнежи, најавува метеопрогнозерот Славчо Попоски. 

- Од вторник попладне, па во деновите потоа ќе има локални врнежи, кои ќе бидат претежно од снег и повеќе застапени во западните  и во југозападните предели од нашата Македонија. Во овие предели, во дел од градовите ќе се формира помала снежна покривка, а на планините, секако и Скијачките центри постојаната снежна покривка ќе се зголеми - укажува Попоски. 

Сето ова ќе биде проследено, со слаб до умерен, повремено умерен ветер од источен и од југоисточен правец.

Во Скопје и околината ќе има слично време, од вторник па во деновите потоа ќе има услови за повремени послаби врнежи од дожд и од снег, или од појава на повремен послаб влажен снег. Повремено ќе засилува ветер од југоисточен правец.

- Што се однесува до температурите, тие наутро и понатаму на повеќе места ќе бидат негативни, односно под нулата, додека максималните дневни ќе бидат уште пониски за разлика од сегашните  и на повеќе места ќе се искачуваат само за некој степен над нулата, а на повисоките населени места, планините, како и на Скијачките центри тие ќе бидат до околу, па  и под нулата - укажува Попоски.