Нова соработка помеѓу МВР на Република Македонија и МВР на Катар

Добивај вести на Viber

Министерот за внатрешни работи Оливер Спасовски оствари средба со неговото височество Шеик Абдулах Бин Насер Бин Халифа Ал-Тани, премиер и министер за внатрешни работи на Државата Катар.

На денешната средба во Доха, Катар, според информациите од МВР,беше разговарано за интензивирање и унапредување на соработката во областа на безбедноста, борбата против тероризмот, борбата против организираниот транснационален криминал, технолошката и техничката соработка и друг  вид на полициска соработка. Потврдувајќи ги своите заложби за идна соработка, на оваа средба се потпиша и Писмо за намера за безбедносна соработка помеѓу Министерството за внатрешни работи на Република Македонија и Министерството за внатрешни работи на Државата Катар. Со Писмото за намера ќе им се овозможи на нашите кадри преку обуки и размена на искуства во различни области да се запознаат со системот за внатрешна безбедност на Државата Катар кој функионира на високо професионално ниво.

„Со цел континуитет во соработката меѓу двете земји, како и имајќи во предвид дека по отворањето на директната авионска линија Скопје-Доха, зголемен е бројот на лица кои се движат од и во Македонија и Катар, како и глобалните безбедносни ризици и предизвици, ова Писмо за намери ќе помогне во зголемување на безбедносната соработка“, истакнуваат од МВР.

За време на посетата планирано е министерот Спасовски да ги посети и Националниот команден центар, Одделот за криминалистички истраги, Центарот за борба против трговија со дрога на Советот за соработка на земјите од Заливот, Националниот комитет за борба против тероризам, а ќе бидат остварени и средби со нивните раководители.