Нова успешна година за НЛБ Тутунска банка АД Скопје

Добивај вести на Viber

НЛБ Тутунска банка АД Скопје е повторно една од најуспешните банки во Република Македонија за 2012 година, со остварена нето добивка од 8,1 мил. евра, покажуваат резултатите објавени на Годишното акционерско собрание. -НЛБ Тутунска банка оствари една од најуспешните деловни години. Нето добивката на Банката за 2012 година изнесува 8,1 милион Еур, повратот на капиталот РОЕ е 10,1%, билансната актива е 968 мил. Еур, додека нивото на нефункционални пласмани е 7,6% со што Банката повторно оствари подобри резултати од просекот на македонскиот банкарски сектор и традиционално, веќе 28 години, според сите параметри на ликвидност, солвентност и профитабилност се издвојува како една од најуспешните и најстабилните банки во Република Македонија“, информираат од банката. Понатаму се додава дека на Собранието на акционерите, втора година по ред, беше одлучено целата остварена добивка од 2012 година, да се реинвестира во резервите на Банката, со што се овозможува понатамошен раст на кредитните активности, висока ликвидност и висока адекватност на капиталот од 15,32%. На крајот на 2012 година, вкупните кредити изнесуваат 556,4 мил. Еур, од кои 289,4 мил. Еур се пласирани кај стопанството, додека кај населението се пласирани 267 мил. Еур.   „За следната година планирано е зголемување на постојното кредитно портфолио, со посебен акцент на кредитирање на микро, малите и средни претпријатија и населението, за што веќе е направено олабавување на каматните и кредитните услови“, додаваат од НЛБ Тутунска банка АД Скопје.