НОВАТА ПРЕТСЕДАТЕЛКА НА УСТАВЕН, КАЦАРСКА: Отсега па натаму новинарите ќе можат да ги носат своите мобилни на седниците на судот

Добивај вести на Viber

Новата претседателка на Уставен суд, Добрика Кацарска, дала итна наредба на новинарите повеќе да не им биде забрането да ги носат своите мобилни телефони на седниците на Уставниот суд.

Таа ова денеска го потврди за медиумите, објаснувајќи дека и таа била изненадена кога доџзнала дека носењето мобилни на седниците е забрането.

Таа ќе работи максимално на згполемување на транспарентноста на поваа судска институција. 

„Точно е дека Уставниот суд е максимално затвортен и дека во последните години се одеше на негово затворање, наместо да се отвора кон граѓаните. Кога дознав за тоа дека на новинрите им е забрането да влегуваат со мобилни телефони, веднаш дадов налог на генералниот секретар, и веќе е известено обезбедувањето, и од наредната седнива, вие новинарите ќе влегувате слободно со вашите мобилни телефони и ќе можете да ги користите“, рече Кацарска. 

Таа, како што објасни, барала да се информира зошто било досега така.

„Односно да добијам информација дали е донесен некој закон или одлука на Уставниот суд. Но, ме информираа дека такво нешто нема. Туку, едноставно било кажано дека од таа дата, повеќе нема да смеат да влегуваат со мобилните телефони на седница. Тоа е веќе завршено. За се друго, тука сум отворена“, рече денеска Кацарска на своето појавување пред новинарите.

Бара помош новинарите да кажат каде е проблемот со транспарентноста на Уставен суд. 

На првиот колегиум ќе го истакне и прашањето дали треба да биде дозволено снимање од телевизиските камери.

Ќе го разгледа и искуството од други судови. Има, како што рече, и Уставен суд кој е целосно затворен за јавноста.

Ги замоли новинарите за трпение и вети дека Уставниот суд максимално ќе го отвори за јавноста.

Кацарска се надева дека политичарите ќе изберат добри уставни судии. А фактот што сега недостигаат уставни судии, не му пречи на судот. Тој има сега шестмина, а може да функционира и со петмина уставни судии. 

Н.Н.Ф.