Нови инвестиции во фарми и производни центри, приватните млекарници ќе го билдаат државниот БДП!

Добивај вести на Viber

Поради фактот дека во Македонија постои недостиг на млечна суровина, следна инвестиција на Здравје Радово ќе биде во високо модерни сточарски производни центри и фарми, што не само што ќе влијае кон намалување на недостигот туки и ќе придонесе кон отворање нови работни места и дополнителен инпут за државниот БДП, вели во интервју Павел Павловски-Маркетинг директор во Млекара Здравје Радово.  Фактор Здравје Радово во моментов е најголемиот откупувач на млеко во земјава. Какво е чувството да се работи за 100 процентен македонски производ? Павловски Да се работи во компанија која има перспектива, а дополнителни и комплетно македонска, е навистина реткост. Млекара Здравје е во континуиран подем, и поготово за еден млад човек претставува вистински предизвик. Од друга страна самиот факт дека соработуваме со огромен број на фармери чии семејства зависат од навремениот откуп и исплата, како и дека огромен број на потрошувачи ни ја имаат дадено својата доверба, не прави да бидеме одговорен субјект  кој треба да запази фер и партнерски односи со сите засегнати страни и да пласира здрави и безбедни производи. Патриотизмот е дел од сите нас, и затоа сме посебно среќни на секој успех и дополнително укажана доверба од нашите потрошувачи. Фактор Вашата компанија остварува континуиран раст на извозот на што се должи тој тренд? Павловски Млекара Здравје е најголемиот извозник на млечни производи од државата,  поконкретно дури 80% од вкупниот извоз е од нашата млекара. Причината за ова е во константноста на квалитетот на производите на Млекара Здравје и нивниот специфичен вкус кој особено им се допаѓа на потрошувачите од регионот. Се надеваме дека нашата извозна експанзија нема да остане само на земјите од регионот, и дека во иднина ќе можеме да се пофалиме со готов прозвод кој ќе стигне многу подалеку. Имаме производни можности и квалитетна суровина, и дополнително со помош од врвни странски експерти од млекопреработувачката индустрија ќе создадеме производ на кој сите ќе бидеме горди. Фактор Кој е најпродаваниот производ на Здравје Радово? И која е неговата предност во однос на производите во иста категорија. Павловски Дефинитивно тоа е МЕШАНОТО СИРЕЊЕ на Млекара Здравје! Тоа е нашиот хит производ, чиј успех се должи на неговиот автентичен традиционален вкус и стандарден квалитет. Со оглед на тоа што е прв производ од овој тип на пазарот, со константно добар квалитет тој е одлично прифатен уште од првиот ден на продажба, и до денес е неприкосновен лидер на пазарот. ВЛОЖУВАМЕ ВО ФАРМЕРСТВОТО Фактор Успехот на една млекара зависи од добрата соработка со фармерите. Кој е рецептот кој го применувате, за да денес можете да се пофалите со изградени, партнерски релации. Павловски Ние нашите фармери, кои досега ги има околу 2000 на број, ги гледаме како партнери кои растат со нашата компанија. Воедно се слушаат и почитувааат нивните ставови и барања, што пред сé допринесува за одржување на квалитетот на суровината, а потоа и за одржување на социјалниот статус во општеството. Фармерите се многу важна алка од целокупниот процес на создавање готов производ, и токму затоа вложуваме во нивна едукација, се со цел да работата порентабилно. Фактор Производите на Здравје Радово се повеќе се наметнуваат кај македонските потрошувачи , што најважно прави вашата компанија за да ја имате нивната лојалност.  Неоспорен факт  е дека 2/3 од македонските семејства ги консумираат вашите производи, а вашето портфолио и не е така мало. Павловски Македонските потрошувачи не се наивни, напротив тие имаат истенчен вкус и знаат да одберат квалитет. Токму квалитетот на производите на Млекара Здравје е причината за нивната преференција. Ние и понатаму ќе се трудиме да понудиме фер цена за стандарден квалитет,  и нашите производи да бидат достапни  за секого и секаде. Свесни сме дека лојалноста претставува и лична одговорност кон нив и се трудиме да ги задржиме. Секојдневно преку дигиталните медиуми сме во контакт со потрошувачите, воспоставивме двосмерен дијалог, и ги слушаме нивните желби и специфични барања, и токму според нив го креираме вкусот на производите. Фактор Неодамна инициравте хуманитарна акција со Црвениот крст на Скопје. За што се работи, и кој беше мотивот? Павловски Како голема општествено одговорна  компанија, и пред се македонска должни сме да помагаме таму каде што тоа е најпотребо, и со тоа да даваме пример и на другите.  Млекара Здравје Радово со  нејзините  380 вработени успеа да собере 2,5 тона користена облека, обувки и  книги, кои ги дониравме за хуманитарни цели. Ова не е прва, а уште помалку ќе биде последна ваква акција, бидејќи во периодот кој следи се планираат уште вакви филантропски акции на компанијата. Фактор се развојните планови на  Здравје Радово, што планирате во скора иднина? Павловски Млекара Здравје Радово е компанија која непрекинато реинвестира во сопствените капацитети, на што се должи и нејзиниот брз развој. Како и секогаш, можеме да се пофалиме со нови производи и нивна реализација во блиска иднина. На особена радост на најмладите би ги најавил новите млечни десерти, производи со додадена вредност, кои ќе бидат вистинско освежување на пазарот. Поради фактот дека во Македонија постои недостиг на млечна суровина, не мотивира наша следна инвестиција да биде во високо модерни сточарски производни центри и фарми, што несамо што ќе влијае кон намалување на недостигот туку и ќе придонесе кон отворање нови работни места и дополнителен инпут за државниот БДП. Р.Ф.