Нови казни и исти цени за систематските прегледи

Добивај вести на Viber

Од 5 до 8 илјади евра казнети ќе бидат сите оние што нема да го почитуваат Законот за безбедност и здравје при работа односно лошо спроведуваат систематски прегледи. Новата уредба стапува во сила за една недела, а со неа се прецизира видот и цената на лекарските прегледи. Според законската регулатива,  и понатаму работодавачот треба да обезбеди здравствен преглед на своите вработени најмалку на 2 години, а измените кои ги опфаќа уредбата  ја регулираат лојалната конкуренција и видот на пакетот на здравствените прегледи согласно работата кој ја извршува вработениот. Според министерот за  за труд и социјала, Спиро Ристовски основната причина за барање на законски измени биле теренските информации кои покажуваат дека здравствените прегледи за работниците како редовни систематски прегледи не се стандардизирани според видот и обемот, односно не се опфатени сите  анализи и испитувања за утврдување на вистинската здравствена состојба кај секој работник. Од министерството посочија дека нивните анализи покажале дека голем дел од здравствените установи неправилно  ги вршеле систематските прегледи кај работниците, па освен што работниците не добиле прегледи според тежината на работата, здравствени установи наплатувале пониски цени од утврдениот ценовник, при што создале нелојална конкуренција.