НОВИ МЕРКИ ВО ЦРНА ГОРА: Без ковид потврда луѓето нема да може да влегуваат во угостителски објекти
Објавено во: Балкан, Корона Вирус 27 Јули, 2021
Се заоструваат мерките во Црна Гора. Земјата од петок воведува нови мерки против коронавирусот.
Само оние кои исполнуваат одредени услови ќе можат да посетуваат ноќни клубови, дискотеки и угостителски објекти. Националната дигитална ковид потврда, направена по пример на ЕУ-дигиталниот сертификат, ќе содржи, меѓу другото, информации за тоа дали некое лице е целосно вакцинирано или ја примило првата доза на вакцина против коронавирусот. Сертификатот ги наведува датумот и времето на негативниот ПЦР-тест на коронавирусот, а се прифаќа негативен тест не постар од 72 часа.
Сертификатот содржи доказ дека лицето го прележало вирусот, односно доказ дека поминале помалку од 180 дена од позитивниот ПЦР тест, доказ за негативен брз тест на антиген и БАТ што не е постар од 48 часа. Дигиталниот сертификат е бесплатен и е достапен во печатена или дигитална форма. Сертификатот може да се зачува и прикажува на мобилниот телефон.
Наесен можно е и во земјава да има рестрикции за луѓето кои не се вакцинирани.